早前我哋話港女口不對心，查實男人一樣會呃呃氹氹。輪到男友繙譯機，幫天下絲打拆開男人嘅核心。
當你搵男友去街，佢話好似要返工，唔好信。要就要，唔使就唔使，咩叫好似要返工？老細「好似」唔出糧畀你得唔得？亞視都執咗啦！
當男友豬豬話你諗多咗，更加要小心，諗多咗通常等於冇諗多咗，你嘅第六感好準繩呀！當男友開始扮嬲，要注意喇，有啲嘢可能估中咗，或者估得好近，佢可能開始扮嬲搏大霧喇。
唯獨係男友叫你早啲瞓，呢句唔使繙譯，照字面解，佢真係想你早啲瞓。你唔瞓，佢又點出去蒲呢？
港女語錄，小編啲同事睇唔少，卒之搞到活在虛幻中。女孩子們，睇少啲啦！