【結業送書】
【本報訊】又一間小店即將消失，位於灣仔新天星碼頭的環保二手書店「書式生活」，經營僅2年便不敵貴租，將在本月31日結業。為免書籍落到堆填區，書店由昨日起舉行為期兩星期的免費派書活動，每人限取4本，吸引了大批有心人到場「拯救」書籍。
店員：賤賣冇人理
店員歐陽小姐表示，沒有想過會有那麼多市民到場支持，連日來接到不少市民致電查詢派書活動，昨晨更有大批有心人提早到店外等候開門。
歐陽小姐感謝市民熱情支持，不過同時亦感慨萬千，「雖然都可以支持環保，但睇住啲書由賤賣10蚊冇人理，到免費派先吸引咁多人嚟，覺得真係好奇怪」。她續指，每本書都有其生命，認為愛書之人在任何時候都應該熱愛書本。
書店昨日人頭湧湧，就讀中六的徐同學，是學校圖書館管理員，經老師分享派書消息，昨晨特意到場支持，她稱自己是愛書之人，對於書店結業感到可惜，「如果啲書最後真係去堆填區會好可惜，所以自己即刻過嚟拎書，亦好希望佢可以經營落去」。徐同學希望政府可以幫忙保留一眾小店，「可以安排佢哋喺土瓜灣、紅磡等租金較平嘅地方，等佢哋繼續經營」。
另外亦有不少家長帶同小朋友到店「尋寶」，就讀小學三年級的潘小朋友指，自己希望尋得兒童公仔書，搜尋約半小時後，最終找到一本童話故事書，感到十分開心。
從事會計師的莫先生昨晨亦特意提早前往書店，希望於店舖開門時可以率先取得心水書籍，「喺門口睇吓有乜書可以揀，等開閘即刻拎，預咗多人，免費嘢多人拎」。
雖然是首次光顧這間書店，但莫先生最後成功收穫有關寶石、希臘神話等書籍。不過，對於書店即將結業，莫先生感可惜之餘，更無奈小本經營的店舖難以生存。
■記者紀靜雯