韓劇《太陽的後裔》女星宋慧喬早前飛咗去歐洲度假，不時於Instagram公開各地嘅風景相，不過喬妹前日終於公開自己嘅靚樣新照，仲透露佢已經返咗韓國，仲跟《太陽》嘅好友合照，唔知係唔係......
前晚喬妹於Ig公開佢跟《太陽》同劇演員嘅合照，不過就唔係好拍檔宋仲基，而係男團SHINee成員溫流，喬妹仲留言：「偶然於婚禮現場碰到嘅珍基（溫流本名），治勳醫生（劇中角色）見到你好高興。」唔知《太陽》成班演員幾時再聚？相信大家都好期待見到齊人嘅大合照。
而忙緊拍戲嘅宋仲基，近日被人連番捕獲，網民紛紛於網上公開oppa去超市同參加訓練時嘅新照。