黃夏蕙（左）昨日在中環出席一間燒鵝店開幕，提到萬聖節快到，夏蕙姨表示如往年一樣，都會扮鬼扮馬應節，更以鬼裝look巡遊蘭桂坊。問夏蕙姨有否試過嚇親人？她說：「有年我扮得好醜樣，結果嚇親細路哥，之後我扮鬼都好靚，係嚇唔到人，好可愛，梗係做靚鬼。」做艷鬼？她笑說：「鬼唔使除衫，除衫留畀契女Amy（艾美琦），佢青春貌美。」