皇家馬德里前鋒基斯坦奴朗拿度（C朗）呢排拎獎拎到手軟，繼之前獲歐洲足協頒發嘅歐洲最佳球員後，周三更獲西班牙《馬卡報》同意大利《米蘭體育報》主辦嘅投票，以大熱姿態當選上屆歐聯最佳球員。C朗事業繼續得意，不過都想搵個人喺身邊分享，同俄羅斯名模艾琳娜分手後，C朗仲未有公開新女友，最近佢就喺ig度Like咗艾琳娜兩張相，唔通C朗想翻撻?
