位於九龍灣的九龍區保時捷維修中心，即將遷移至紅磡維港中心。雖然地方細了，卻增加了不少全新配套及先進設備，包括12部升降台、四輪定位機、檢測制動及避震效能的儀器等，全因維修中心已經入紙申請成為政府驗車中心，現處於等待發牌的階段。
記者有理由相信古董保時捷必定可以容易啲過關合格，技術人員代表當然立刻否認，堅稱作為驗車中心必須公平公正。不過新維修中心的配備已經有齊所有古董保時捷的電腦數據及維修工具，有咩問題的話，整返都容易啲準確啲啦，點會唔容易啲pass。簡直是古董保時捷發燒友的喜訊。為拓展香港市場版圖，香港及澳門保時捷中心總經理史格蘭更預告屯門及觀塘亦將有新維修中心落成，以方便新界區的車主。
大部份維修中心通常都熱到不得了，不過呢間新架步是全冷氣開放，天花板的冷氣機相當密集，亦因為這是冷氣室，中心周圍都裝了用來抽走死氣的喉管，就連入偈油也全電腦化，相信一班維修工人哥哥就最開心。最後提提大家，我就唔太建議車主星期五放工時間去交車取車，因為對出紅磡道是那段時間的塞車重災區。
記者、攝影：許維雅
