泰王逝世，本港九龍城一帶泰國人聚集之處，人人神情肅穆，面帶憂傷。消息公布一刻，無論店內街上，全部人均緊張低頭觀看手機，希望從網絡了解更多消息，部份人更即時落淚。
來港10多年，現時在泰國食店工作的店員戴欣欣指，雖然早知泰王近期身體不佳，但得知他離世，仍然「唔捨得，唔相信，起碼過咗生日先嘛」，說時忍不住熱淚盈眶，「搵唔到咁好嘅人，10幾歲做皇帝，一做嘢做到依家」。
來港30多年的胡女士一邊受訪，一邊拭淚，「我哋淨係識得喊」。她大讚泰王是「係全世界最好嘅人」，在位70年不斷工作，未有休假，遇上旱季無雨時，更親自探視農民，不論窮富一樣愛民如子，「希望佢可以繼續留喺度」，又指泰國人可以為泰王「冇咗條命都得」。她預計周日會有悼念活動，自言屆時定會參加。
在九龍城南角道開設餐館的吳女士稱，近日陸續收到有關泰王健康的消息，但到昨晚7時才正式收到泰國政府公布的死訊。她指泰國人均視泰王為爸爸，泰王每事親力親為，遇上窮困及旱災等情況均親自到場。她指有消息指泰王寫有遺書，要到喪禮後才公布繼任人，「大家個心都好亂，有啲鍾意公主，有啲鍾意王儲」，坦言擔心泰國政局穩定，「大家坐低都係傾呢樣，希望無事」。
來港數十年的泰國人Yupai則直言非常傷心，「個個都唔開心，（泰王）好似阿爸阿媽一樣」，她指將返泰國參與喪禮，「冇咗皇帝，我真係唔知泰國點樣，完咗囉可能」。