今年環球新股集資王郵儲行（1658）上市兩日，長和（001）主席李嘉誠旗下基金會主動披露，指李嘉誠父子及旗下3個慈善基金會，透過認購郵儲行股票掛鈎票據（ELN），合共取得相當於郵儲行H股約11.62%權益。集團發言人更表示，李嘉誠對郵儲行有絕對信心，視項目為長線投資。
事件有兩個奇怪地方，第一，若想長線投資郵儲行，但又不怕給人知悉持股情況，以基石投資者身份認購便可以了，早年李嘉誠及一眾「大孖沙」於各大中資行上市時，便是採用此方法認購。第二，身為長和「大掌櫃」兼李嘉誠基金會董事的陸法蘭，離奇兼罕有地進一步就投資郵儲行解畫，奇上加奇。
有投行朋友指，李嘉誠主動披露相關投資，很大可能是基於不想市場「諗太多」。他說：「你諗吓，若果突然間見到SDI披露李生有郵儲行，但又被人發現係ELN，啲人會點寫？所以一定要攞個話語權先。」
真是長線投資？友人說：「從有限資料估計，隻ELN賭跌嘅機會大啲，升就收息，跌就接股嗰隻……你可以話要接貨喎，都可以叫做睇好隻股㗎？但若果真係長線睇好，點解唔直接喺街掃？點解咁間接？」明白了。
由於放假關係，《樂香園》暫停一周，10月24日「復牌」。
密西比