這晚谷草頭兩場都跑最低班賽事，結果俾雷神贏晒，個人一手包辦第一口孖寶，佢於頭場五班一哩贏完方嘉柏馬房「想贏就贏」，到第二場五班1200米馬上再為「嶺喜峯」勝出，兩駒同樣以大熱身份開齋，雷神可謂交足功課。
當中隸屬徐雨石馬房的「嶺喜峯」，上賽雷神騎不敵「鴻圖戰士」做二奶，今仗匆出以同一配搭補中，沿途守第五位，直路加速輕勝個多馬位，四歲馬第十次出賽首嘗勝果，單Win及組合獨贏A1分別派29及20.5元。徐雨石指「嶺喜峯」上仗入Ｑ已衝得很勁，今仗贏來幸運，直路初衝剌時馬群散開，讓牠有位衝前，估計下仗升上四班都有得跑。
除咗雷神之外，徐雨石都係這晚頭兩場賽事主角，頭場佢有「野外桃源」入Q，呢場則靠雷神贏出「嶺喜峯」。二至四名順序為「有情風」、「神寶金剛」及「天外之天」，其中「神寶金剛」則係71倍全場最冷馬，四重彩派七萬三千零一蚊。