相信大家都記得方嘉柏馬房的「金武士」，原於上周六第二場田草五班1200米列後備一，早在排位時雷神莫雷拉已正式入紙擔任此駒騎師，寧願等此駒補出，亦不願在排位前接正選馬上陣。
結果雷神得償所願，「金武士」真係補得出，初次降入五班留前鬥後，最後一步追過「欖球鑽石」，替馬兒打開在港勝門，可見雷神目光如炬，一早睇通「金武士」贏得，佢咁做絕對唔會死錯人。到今期周日(16日)沙田日馬，據知雷神又有類似舉動，將出任二班1400米後備一「劍斷浪」的騎師，而放棄為任何一匹正選馬操刀。
蔡約翰馬房「劍斷浪」服役四戰三勝，今季才轉四歲，仍有大量進步空間，質素深不可測，本身1400米亦贏過有根據，上周五試泥閘亦有前有後跑第二，狀態進度唔錯，難怪雷神甘願做後備馬騎師。而「劍斷浪」如果真的能補出，將面對絕世好馬「巴基之星」，肯定令這場賽事更具睇頭。