近期市況chok到一個點，一個月內，24000點呢個位上試兩次，23200點呢個位下試咗四次，平均三日就由高位chok落去低位，或者由低位衝番上去高位。
呢種急速上落市，第一種可能性，係將所有頂唔順波幅嘅投資者震散，令到之後爆升都冇人敢上車再追；第二種可能性，係令到投資者對於波幅習以為常，令投資者減低警覺性揸重貨，最後輸都唔願沽。大家都想知道爆邊係邊個方向，小弟直覺係傾向前者，但當然要為後者設定策略。
大家都睇實近一個月嘅長方形低位23155點。今次假如明顯向下跌破呢個位，就好可能係真跌市，相反係假跌然後拗腰反升嘅機會不大，因為近兩日成交不少，連支持位都失守，證明係真金白銀沽緊貨，下跌壓力不輕。
睇30分鐘圖，恒指周三跌至23267點後，RSI形成底背馳後反彈。事實上，周三低位23267點都不宜再跌穿，即使跌穿都不宜低於呢個位超過一小時，原因係超賣反彈後再快速失守低位，足以證明恒指短線急速轉弱，向下壓力再加大。呢百零二百點，唔爭在睇埋佢，可以幫各位今個星期內做去留決定。
晉佳
http://fb.com/advanceguy1