特首梁振英收取澳洲公司UGL嘅5,000萬元事件，最近因為立法會開鑼再度成熱話。呢件事喺佢上任後兩年嘅2014年被揭發，發現佢喺5年前嘅12月2日、即係宣佈參選特首後5日同UGL簽咗份秘密協議，內容要求佢要以戴德梁行董事身份為UGL提供顧問服務、挽留員工同埋不作競爭等，而當時UGL係想收購戴德梁行。
咁啱得咁蹺，5年前嘅今日，當時挺唐嘅《星島》派記者狙擊CY，追問備選中嘅CY有冇參與戴德梁行嘅日常運作？CY話「你嗰封信我已經覆咗，我冇嘢再補充」；至於被問到遲遲唔離職係咪同收入有關？CY當時係咁講：「完全冇咁嘅關係。」
事後孔明一下，如果CY當時已經辭咗份工，又點會有之後嘅協議兼有5,000萬落袋？同收入有冇關？大家自己諗！