等待嘅過程，真係好難捱，與其眼光光睇住主席台前嘅浪接浪抗爭，唔少建制派議員以不同方式，例如閉目養神，靜心等待投票嗰一刻。八方同事就影到，其中一位建制派議員喺轉咗房等投票選主席之際，專心以手機玩接龍。到底係邊位？原來係自由黨新任主席張宇人，佢嘅黨友李梓敬都試過喺立法會公聽會以手機玩轉珠，唔通自由黨人都有鋪打機癮？