絕世好馬「巴基之星」又嚟喇！周日(16日)沙田日馬報名表已經公佈，練馬師告東尼已為此駒報當日的二班1400米，並成為正選，料會續配騎師蔡明紹，將會是牠服役第三次上陣。
「巴基之星」過去兩戰都嚴重輸在起跑線，但最終均可輕鬆贏在終點線，保持不敗，成為全城熱話，被喻為「新翠河」，連不賭馬的普羅大眾，都對此駒有一定認識。今次「巴基之星」升上二班負125磅，只比上仗三班126磅贏馬少負一磅，當然是嚴峻挑戰。
「巴基之星」的主要對手應是葉楚航馬房「軍必勝」，上仗在港初出即於二班得季軍只輸半馬位，過終點後更隨即連頭馬「一片光明」亦趕過，本身是新西蘭1600米一級賽利雲經典賽盟主，質素隨時深不可測，「巴基之星」真係未許安寢。
還有大摩馬房「威力川」亦可能是「巴基之星」攔路虎，此駒在港5戰得1冠2亞1季，已有多次二班勝出及上名經驗，實力毋庸置疑，雖然初跑田草1400米，但來港前在澳洲1400米表列賽坎培拉堅尼得亞軍，長力亦有根據。