香港available嘅富二、三代買少見少，大家係時候有多少少「世界視野」，所以今日同大家介紹番法國一位「真．高富帥」Alexandre Arnault。
Alexandre今年24歲，佢爸爸係法國奢侈品牌集團LVMH主席Bernard Arnault。根據《福布斯》資料，Bernard身家高達340億美元（約2,652億港元），有錢程度係全球排第14，比排名20嘅「超人」李嘉誠仲要高。
Alexandre由Bernard第二任太太所生，兄弟姐妹之間排行第三。至於大家好關心嘅感情狀況，佢就好神秘，據知未結婚，有冇固定女友就唔知嘞。
佢忽然備受關注，主要因為LVMH早前收購德國名牌行李篋品牌RIMOWA，傳聞呢單刁係由Alexandre牽頭，佢順理成章成為RIMOWA聯合行政總裁，唔少國際報章報道呢單刁時，都有佢同爸爸嘅合照，佢身材高佻，堅係帥哥。
Alexandre做過DJ，喺佢Twitter賬戶，Alexandr形容自己係一位科技迷，舊年Beats負責人Ian Rogers過檔LVMH負責數碼策略事宜，又係由Alexandre促成。
不過，大家最好奇，係呢位年輕帥哥是咪真係識做生意，拭目以待。