香港作為購物天堂，而且一年分四季，要扮靚，上中下價錢的化妝品、服裝一應俱全。不過，對貪靚的女生來說，新加坡絕對難以滿足購物欲。「呢度冇四季，你冇得換季，你著Boot又好奇怪，同埋女仔會融妝，熱帶地區皮膚會差。」來自香港的嚴馨麗（Wendy）五年前因情傷，決定轉到新加坡發展，豈料現時已成為一化妝品牌兩間分店的店長。
她記得初來打工之時，因為口音問題，不時會被同事取笑，「佢哋會叫我哋做Hongkie，覺得我哋啲英文、普通話都好好笑。總之你冇跟返佢地新加坡既坡音去講野，就覺得你講嘢口音。」至於香港人與星洲人最大的共同話題，其實是港劇，「一遇到識講廣東話既新加坡人，佢地會即刻諗到TVB，然後就係咁講劇情，突然間好夾，突然間好Frd。」
雖然偶爾面對歧視問題，不過她指出香港人在新加坡有獨有優勢，「我哋香港人，喺其他人眼中，都係特別勤力同埋醒目，所以我地都會爬得好快，好快就會升職加人工。」
對於港男，Wendy不諱言：「香港男人真係唔錯，有gentleman，同埋都幾好脾氣下。對於其他國家，香港男生真係唔算大男人主義。」
在異鄉最感動時間，莫過於遇到同聲同氣的香港人。Wendy約三年前，成立一個Facebook專頁「香港人在新加坡」，雖然專頁表面Like數只有數百，但事實上已成功聚集一班居星港人，「當時發現其實呢個Page keep住有人睇，於是就開個WhatsApp group chat等大家易啲聯絡，一開個Group Chat，第一日我地搞聚會，廿幾個人，唔夠一星期變左百幾個人喺WhatsApp Group入面。」
搞聚會都要有事可做，嚴馨麗表示，在新加坡搞活動實在有難度。一來新加坡平日逢周一至四，基本上12時後所有店舖都已全關，「我都講過想話搞行山，呢度山比較矮。」被問到她是否決定於新加坡落地生根，她表示，「未決定。」