【本報訊】觀塘觀點中心原止為利民工業大廈，原業主利民實業在2001年申請重建為商廈，觀點中心於2002年落成，為區內早期商廈之一。2014年時，豐泰地產斥資約14億元收購，持貨兩年後，準備轉售給泓富（808）。
僅屬乙級商廈
據熟悉區內工商廈的地產代理表示，雖然觀點中心樓齡只有約14年，「不過實際質素只係一幢補咗地價可做商業用途、有玻璃幕牆嘅乙級商廈，同近幾年起好嘅同區甲級商廈有好大距離，可能當年幢物業唔係由大發展商起，規劃上冇咁好」。
他指，雖然大廈有數層零售樓面，但主要都是樓上單位，地下只有一個細舖位，價值不高。物業距離鄰近地標apm商場及觀塘港鐵站，但未有天橋貫穿，步程雖只5分鐘，但就要上上落落較為不便。觀點中心的寫字樓單位月前成交呎租由28至32元不等，毗鄰apm樓上的創紀之城5期寫字樓呎租由36至38元，較觀點中心貴至少12%。