青年新政新議員游蕙禎嘅「扑嘢」論，引起唔少人關注，但啲人唔係關注「扑嘢」論嘅內容，而係關注用「扑嘢」呢個詞得唔得。敗選嘅工黨何秀蘭別具慧眼，佢唔係關心講唔講得「扑嘢」，而係關心游BB一把長長嘅秀髮。
改口提埋長毛
何EE喺fb話「扑嘢」呢啲「俗語、粗鄙語」只係「集體選擇的結果」，但游BB把秀髮要用大量食水保持清潔，唔用天然物造嘅洗髮護髮素的話，啲化學品會增加淨化所需電力，因此對環境嘅傷害、加速極端氣候變化更加值得公眾監察。
八方唔想話何EE嘅切入點係錯，但呢個切入點確係幾新穎，新到唔少網民都嬲豬。何EE好快手改咗個po，唔再提游BB，改提同社民連梁國雄。佢話見親長毛講環保，就會叫長毛剪咗把頭髮先。嗯，毛哥係咪躺着也中槍？