工聯會前勞工界立法會議員鄧家彪失落今屆新東議席後，據聞已積極備戰下屆立會選舉，第一步似乎係參選勞顧會委員。兩年一任嘅勞顧會今年底換屆，向來工聯會只派一人參選，八方聽聞做咗委員6年嘅工聯會理事長吳秋北決定退下火線。
八方問過鄧家彪，佢承認有意參選勞顧會，提名期明日截止，但佢話仲要等工聯會正式確認支持喎。雖然唔知阿彪若接吳秋北棒，作風會唔會大不同，但肯肯定阿彪可以keep住曝光至下屆再戰。
除咗鄧家彪，工聯會王國興亦落選，連同陳婉嫻冇再選，一班議員助理等同失業。雖然法例上遣散費跟強積金需對沖，但工聯會會按年資，向被遣散嘅員工發放一筆特惠金，金額超過遣散費一半。阿彪話係心意補償，強調工聯會出錢，唔係使公帑。