Formula E首度登陸香港，唔少人都專登入場感受氣氛，包括平日鬼鬼馬馬嘅公民黨新任黨魁AY楊岳橋，喺周三宣誓就職立法會議員前，盡情輕鬆一下。
嫌電動車唔夠聲
八方噚日係喺eVillage發現AY嘅身影，便服look嘅佢當時戴住咗個紙造賽車頭盔（圖），加上戴住副黑超，真係眼力差少少，都未必認得到㗎！
AY話喎，喺香港咁嘅環境可以睇到賽車，絕對係一件開心嘅事，但就嫌啲電動車，似乎唔多夠聲，比起睇F1都係爭咁啲囉。
AY又話喎，見到現場除咗比賽，仲有好多唔同攤位嘅嘉年華，勝在大人細路都有得玩，但係佢就認為，一張看台飛要成2,000蚊，實在偏貴，希望下年嘅場地可以容納多啲觀眾，從而降低票價。