周日喺北京舉行嘅中國網球公開賽，西班牙球手拿度夥拍同胞保斯達，喺男雙決賽激戰90分鐘後，以6:7、6:2、10:8反勝積索克同湯米嘅組合封王。值得留意嘅係，拿度曾經喺05年贏得中網公開賽男單冠軍，佢今次捧盃更破紀錄成為呢項賽事首名贏盡男單、男雙冠軍嘅球手。至於英國球手梅禮就喺同日嘅男單決賽，以盤數2:0贏咗保加利亞嘅狄美托夫。