【本報訊】「阿爸好鍾意食甜嘢，每日都飲咖啡」，父親生前的喜好，王冰蕓至今沒有忘記，經常帶來罐裝咖啡及家鄉綠豆餅拜祭父親。王冰蕓一年最少拜祭父親4次，每次都會與父親聊天；但不會經常提及自己為追尋真相而奔波勞錄，「唔想佢知我辛苦」，加上公義未完全彰顯，講也沒意思，「如果有一日醫委會肯受理，我攞番個公道，先再向佢匯報」。
燒護管局判詞予亡父
王冰蕓說與自己兩名孩子相處時，感到開心之餘，內心泛起一份傷感及溫馨感範，令他回憶起與父親的生活片段：「佢好鍾意食月餅，一個中秋節可以一個人食兩盒月餅，中秋節之前兩星期已經開始食；以前一齊住我朝早起身，佢已經喺廳食緊月餅。」父親已走了，而且走得不明不白，現在可以做的，就是為父親討回公道。
今年中護士管理局裁定案中三名護士專業失德罪成，各人被判停牌一個月。他要求護管局特別給予中文版判詞，裁決數日後於拜祭時將中文版判詞燒給父親。父親去世快將5年，他心情已平復，「頭一、兩年真係咬牙切齒，心裏面有仇恨」。現時只希望繼續追尋公道公義及解開自己的心結。
■記者陳沛冰