港鐵近日宣佈將列車上的「關愛座」由每卡2個增加一倍到4個，惹起坊間激烈討論，有人質疑「關愛座」已變質成為「批鬥座」以致無人敢坐。有網民在網上討論區上載照片指連鏈快餐店大快活最近亦出現「關愛尿兜」，旁邊貼有「關愛長者」的標誌，令一眾青年網民炮轟做法無理，「你痾痾吓要cut水讓位？」
上載相片的網民只稱是在大快活一間分店拍攝，但並注明地點，相中見到男廁尿兜旁邊除了有寫上「關愛長者」的標誌，亦有一個白色掛勾，有網民估計是給長者如廁時掛起拐杖。不少年輕網民對有關措施並不受落，質疑現實根本難以做到，「痾痾下尿轉身讓畀佢？」、「諗出黎個好樣都冇腦嘅，係人都知啲阿伯就算急尿都要企係度等尿出」。有人好奇若無讓位會有何下場，「再唔讓拍片放上網。」
有網民批評愈來愈多的關愛措施「特登用嚟搞分化，當然政棍用嚟博選票啦」，更多人不滿關愛文化忽略青年需要，有人留言曲線諷刺「有無搞錯呀，咁後生都要屙尿，讓畀老人家屙啦，啲後生仔離晒譜！」
其實將關愛文化引進廁所並非大快活首創，特首梁振英今年初在施政報告中提出要興建面積較大的「長者優先廁格」，又提出用數百萬元研究如何利用智能卡為長者延長過馬路綠燈時間、在公共設施增加長者優先座等等，稱要令香港成為「長者友善城市」。
【網民咁講】
直陽在西：你痾痾下要cut水讓位？
低學歷大學生：屙屙下尿轉身讓畀佢
宅度宅：呢啲政策真係傻的嗎，特登用嚟搞分化。
小狸蘿柚：畀啲後生拿拿臨痾咗先、洗埋手、走埋，個阿伯都唔知痾得出未。
藍巴勒海盜：銀行業界應推出關愛人仕貸款，簡稱「關loan」。