SONY新一代旗艦級手機落場了，所講是XPERIA XZ！
論規格，其實相當不俗，行Snapdragon 820、3GB RAM、64GB ROM，完全是機王級格局，仲有2,300萬像素1/2.3 吋 Exmor RS for mobile影像感測技術、0.6秒快速啟動連拍攝、ISO 12,800低光拍攝、4K攝錄、1,300萬像素自拍鏡頭、鋁合金機身、IP65/IP68防塵防水、Hi-Res音效（LPCM、FLAC、ALAC、DSD），老實講！你問我仲想佢加甚麼，我都覺得夠玩了。
如果你都係SONY Fams想買入此機，最後一個重點當然是價錢！官方定價$5,698，但估唔到機王開賣第一日就要冧價了，是進取到差一點減成千的$4,780！點解會咁樣？隔籬左右舖的口痕Sales話，SONY手機好多時都只賣「頭一陣」，之後去機情況，好多時都會變成細水長流，早啲落嚟、先搶哪一班Fans客，會冇咁易「坐貨」；另一個問題是網絡威力，雖然此機規格極高，不過來貨價的確有較大水位，好多舖為搶客，在網上交易平台提早開訂，今日減少少、第二日又減少少，最後到正式到貨時，已經無限接近來貨價了。
據知新機三色，分別有藍、銀及黑，記者見過實機，的確是藍色比較有特色，而且好多準機主都有人同此心，大部分訂機客都係預留了藍色機款，所以如果想Walk-in買藍色，可能要撞手神了。
查詢：麗達屋（深水埗長沙灣道226-242深之都商場1樓29-30號舖）
記者、攝影：朱崇德