樂隊LMF前晚在九展舉行演唱會，卻樂極生悲，有人掟樽導致一名女觀眾受傷，需由救護車送院治理。主辦單位已聲明觀眾不可飲酒和吸煙，但現場所見有人兩樣都做齊。
MC仁嬲爆
演唱會中段，MC仁突然上台，神色凝重指摘場內有人掟樽，並傷及一名女觀眾，他向台下觀眾說：「你哋係咪想cut騷？你哋係咪覺得好X好玩？」傑仔亦呼籲：「唔好再發生啦吓！」大會公關事後證實有女子受輕傷，由友人陪同送院，但無法尋獲肇事者。MC仁於騷後受訪說：「真係好嬲，唔知有咩咁好玩，拉到掟樽要坐9個月監，陣間叫689去探佢啦！人哋掟嘢都要坐9個月，𠵱家掟樽喎，都要坐9個月監呀！」他又提到第二場嘉賓名單，戲言：「聽日有689，到時應該全場人向佢掟樽！」
前晚嘉賓有秋紅樂隊、鄭中基、黃貫中及李璨琛，鄭中基爆粗說：「見到你哋X來X去，X出個水準，希望大家X出個未來。」而LMF唱完《WTF》後，MC仁說：「首歌喺03年沙士時作，覺得當時社會好荒謬，點知𠵱家社會更加荒謬。」尾聲時，LMF向敢於挑戰「官商鄉黑」的候任立法會議員朱凱廸獻歌，MC仁說：「我哋一樣嚟自香港，一樣討厭暴力，如果我哋係關心，應該用任何方法反抗暴力，希望大家送呢隻手指畀呢個咁荒謬嘅社會，首歌就係叫《揸緊中指》。」
採訪：曹家誠
攝影：陳俊強