八方噚日同大家回帶時講過，當時有傳梁振英手上有兩個斷唐唐參選路嘅政治手榴彈，而5年前嘅今日，梁特趁住現身工聯會搞嘅論壇火速回應：「我完全冇同任何人講過任何嘢，我手上亦冇呢啲黑材料。」又話︰「我手上冇任何黑材料，亦唔會去搵、或者準備任何黑材料去攻擊任何有意參選行政長官嘅人。」真係講得好動聽㗎箒，當然信唔信呢，就另一回事咯！
CY當日亦鬧爆政府嘅房屋政策存在供不應求問題，但被問到佢做行會召集人多年，係咪都要負責？佢即話自己喺任何場合講房屋問題時，「立場都係一致」，總之都冇話失誤係關佢事，同今日如出一轍。就連標準工時問題亦一樣，佢嗰陣話喎，對立法有保留，覺得要畀時間勞資雙方討論，點知一傾就傾咗幾年，結果又係……議而不決！