毛里裘斯籍騎師田泰安，於今期周六(8日)賽事有個驚喜，就是獲策第七場三班1000米的「皇仁大師」。
這匹鄭俊偉馬房的直路賽專家，5 戰同程得3冠2亞100%全上名，包括上場季內初出，喺潘頓胯下easy win，仲造出55秒92嘅快時間，加分後今場負131磅，潘頓一定造到磅，但最終潘頓卻騎上仗輸給「皇仁大師」跑第二告東尼馬房的「美麗皇牌」，究竟係潘頓被鄭俊偉飛起，抑或他主動放棄「皇仁大師」呢？
原來，潘頓以為「皇仁大師」唔會跑呢場，而係會增程角逐1200米，於是一早應承騎「美麗皇牌」，結果因為呢個美麗的誤會，就益咗安仔接手「皇仁大師」，仲要「皇仁大師」有運抽到11檔，可以貼住外欄走慳腳程，無疑以「皇仁大師」的銳勢，有力替安仔打破近一個月冇馬贏嘅悶局。但潘頓亦唔使咁down，「美麗皇牌」今季兩戰非冠即亞，亦都進步神速，不一定再輸畀「皇仁大師」嘅！