到街市買菜雖然材料新鮮，但不少市政街市衞生環境欠佳，近日就有網民目擊整隻劏好的鮮豬被人隨意放在地上，吸引老鼠到場搶嘆「頭淡湯」大飽口福，令不少網民大倒胃口，「我哋食二手咋！」更有人留言批評民建聯西環區議員張國鈞，「選完就無乜理會個社區，依家貴為立法會議員更加唔會理個街市啦。」
有人將拍到老鼠食大餐的短片上載至「西環變幻時」專頁，片中見到街市內的檔舖尚未開檔，有人將劏好的一整隻鮮豬放在地上，鏡頭遠處另一個肉檔門口同樣有鮮豬肉放在地上。一隻體型龐大的老鼠就在豬肉上「密密食」。雖然短片並無註明拍攝地點，但多名街坊留言推敲應是堅尼地城的士美菲路市政街市。
看過短片的網民紛紛留言大嘆噁心，有人形容似「刺生立食放題」，更有人驚訝肉檔隨意將豬肉放在地上，「我哋食緊老鼠口水尾，佢哋都唔食先到我哋食」。有街坊指區內除了這個街市就只剩超市，隨即有人回應指，「超市咪一樣會咁」，更有人稱「全港運豬者都是將豬放在地上。」有網民就擔心老鼠帶菌會引起衞生題，「老鼠食過啲菌真係食得死人」、「鼠患嚴重！殺咗一竇，仲有千千萬萬竇。」
【網民咁講】
Steven Ngwl：刺生立食放題
Donn A Lam：真係估唔到...感樣放法，老鼠食過啲菌真係食得死人。
Vega Bay：你應無很早到過街市，全港運豬者都是將豬放在地上。
Cilia Kabe：我哋食緊老鼠口水尾，佢哋都唔食先到我哋食。
Fatpo Kwan：鼠患嚴重！殺咗一竇，仲有千千萬萬竇。
Ivan Pun：以前都係咁，眼不見為淨者，都食咗幾廿年了。
Chiu Kai Wong：中西區區議員「北極企鵝張國鈞」選完就無乜理會個社區，依家貴為立法會議員更加唔會理個街市啦。