唔少馬迷都知道，上季練馬師沈集成喺賽前一日獨自親操的戰馬，勝出率高到不得了。不過他今季極少有這類「偏心馬」出現，搞到大家冇得參考。
好喇，到了本周六(8日)賽事，沈集成終於忍不到手，這天(7日)賽前突然為第六場三班1650米泥地的「金多多」親自在內圈踱步，作最後備戰，隻馬走起來身輕步爽，火氣旺盛，狀態正處於極佳水平。
「金多多」上仗由蘇狄雄於泥地1200米後上得亞軍，表現已相當好，今次由雷神莫雷拉接手，擺明志在必得。此駒早在三歲時，已在外地贏過1600米，所以今次由1200米增程至一哩，威力只會更大，力足在雷神胯下打開在港勝門。