「Golf股」本間高爾夫(6858)噚日掛牌,呢間公司只集資13.4億元,唔算大隻,竟然吸引到港交所(388)行政總裁李小加畀面到場支持。聞說小加主動話要去捧場,因佢同公司管理層係朋友,唔通小加用開本間嘅高爾夫球桿,用到成為VIP,同公司管理層做埋老友?
講開又講,李小加近日慘慘豬呀,佢住緊嘅大潭道龜背灣2號獨立屋周二被爆竊。佢噚日講番呢件事,話今次事件令佢第一次同香港警察面對面接觸,得到對方協助「心裏很溫暖」咁話。原來今次係傭人發現竊匪,小加指「他看到了人,幸好沒有人受傷」,錢財只係身外物,心情難免受影響。