郭富城、楊千嬅、JW和周迅丈夫高聖遠等昨晚在中環PMQ出席《Variety》派對活動，JW被指與家族擁12億身家的富二代新歡Tarzan Ip拍拖，她大笑了解中，她說：「係朋友，大家都有好感，佢好謙虛又貼地，佢好支持我啲音樂，大家喺英國已經識，超蓮識佢都話好。」記者笑她已帶男方「入屋」見家長，她說：「唔係，佢哋知係我啲朋友。」
千嬅腳踏五吋高跟鞋現身，她透露為與余文樂再拍《志明與春嬌》系列電影減肥：「對上一套係四年前，要返番嗰時狀態，男人成熟OK，女人要返老還童。」千嬅在《哪一天我們會飛》飾演蘇麗珊成人版，問到蘇麗珊與游學修分手一事，她說：「我唔知，都可惜，係一個童話，嗰時睇住佢哋一齊，佢哋年輕，係人生經歷。」有指二人的公司要他們地下情，千嬅說：「揀啱唔好拖，以免夜長夢多。」
採訪：盧妹
攝影：陳順禎