【本報訊】女事主X指黃偉民教授她使用羅庚時從後挨近她，觸摸她的上臂及腰間。儘管被告涉及的非禮罪不涉這個情節，代表黃的資深大律師潘熙盤問X時出動黃的私伙羅庚，要求她及調查本案的女警在庭上示範及重演黃教授她用羅庚的情況。X照做，但稍後當被質問為何被侵犯後不當場大叫時則激動哭起來：「點解我俾人非禮唔出聲就好似我錯？」
被質問不大叫時爆喊
X接過羅庚後扮黃，而女警則扮X。辯方認為，若真如X所言黃緊貼她而站立，黃便看不清羅庚，X反駁稱：「咁佢唔係教人睇羅庚，佢係非禮緊我！」示範完畢後，裁判官立即說：「畀番個羅庚你，可能好名貴。」
辯方質疑當時有數名學員在場，若黃眾目睽睽非禮X，她為何不當場大叫？X稱感到尷尬，兼「諗都未諗過，唔知可以點」，又指「我尊重師傅，信得過佢」。X說：「點解我俾人非禮唔出聲就好似我錯？我大嗌之後可以做乜？個個望住我！我成世人未落過口供，未報過警，我乜都唔識……」官見事主情緒崩潰，哭成淚人，宣佈休庭片刻，讓她平復心情作供。
■記者戴國輝