一般公司聘請司機，入職條件不外乎是守時、熟悉港九新界街道、具良好駕駛紀錄等，最多寫明需要體力勞動，但勞工處網頁早前上載招聘司機的廣告，沒有任何學歷要求，只需持有私家車駕駛執照，但特別列明「有紀律部隊經驗優先；有功夫底子優先」，隨即引起熱議。難道好似早年成龍宣傳安全駕駛的廣告「駛出真功夫 方為大師父」？本報記者以應徵者身份致電求職，對方直接問：「佢(僱主)就想識泰拳、柔道、跆拳道，有冇做過差人、保鏢？」
該則廣告列明是「專業網絡集團有限公司」聘請司機，工作地區是鰂魚涌，屬商用服務業，職責只寫是一般司機工作，需有5年經驗，負責車輛清潔保養，但薪酬頗吸引，月入$21,000至$24,000，有年終獎金及年假12天，朝8晚8，6天工作。
不過，記者致電查詢時，有關人士稱自己只是中介人，只要寫下資歷，有多個司機職位可供選擇，對於「專業網絡集團有限公司」為何要求司機識功夫，他解釋，其實此工作主要是接送小朋友上學，但強調最好有紀律部隊經驗、識功夫，「做司機工作，要做埋保護個小朋友……最主要車小朋友返學，你有冇做過私人司機？」該中介人明言，此工作一直請不到人，「佢(僱主)一路都想請，但請唔到有功夫底子嗰啲，好少」。
網民留言：
Mandy Wong：不出奇！21000起跳其實都叫肯俾錢！之前有d司機要有私人保鏢牌都係25000
Tam Chun Ting：駛出真功夫，方為……
Wai Chun Tang Alvin：我識得退休警做司機 當埋保鏢洗
Dickens Li：遲下可能要識煮埋飯添
Ah Ken：保鏢出面三萬以上
Wai Lee：面試洗唔洗耍洪拳？
Howie Chan：老細肯定好多襯家
Mal Lam：功夫底子？要隨時開拖，50000都嫌少啦