《皆大歡喜》的林玉露、《天龍八部》的木婉清、《O記實錄》系列的王明慧，趙學而於20年前的舊劇角色，仍令觀眾津津樂道，相反，近年無綫劇的水準屢受批評，名作家李碧華更自爆看《律政強人》，被朋友恥笑居然浪費時間看CCTVB膠劇。
自己睇美劇陸劇
對於膠劇，學而認為不同市場有不同需要：「因為有啲畀一般大眾睇嘅劇，真係唔需要咁有深度。」是否師奶劇？她說：「唔單止係呢個觀眾層，當然你係中產有自己追求，揀自己鍾意嘅劇睇，膠唔膠睇人，你可以唔揀，做乜話人啫。」問多久沒煲劇？她坦言：「真係好耐，我覺得係題材唔啱自己睇，我主力係睇美劇、大陸劇，我需要用腦思考嘅題材，希望喺演員身上學到嘢，所以我會揀劇嚟睇。」
