禮拜六沙田八草兩泥賽事，草地用B加2欄作賽。睇番上季10月4日首次B加2欄賽事，除了兩場直路賽由10檔以外馬勝出外，其餘五場轉彎路程均有一至四檔馬跑入前兩名，可見內檔優勢甚大。至於跑法方面，除了「天才」居中後上勝出之外，其餘頭馬全部守前四位入直路建功，預期擺前守好位之中內檔馬可秤先。
今戰列陣馬中，第四場「踏雪無痕」上季曾於B加2欄1400米贏馬，快馬配蔣嘉琦減磅兼抽得三檔好位，有機會重開勝門。另外，尾場「美麗皇者」兩戰B加2欄獲一勝一位，場地性能出色，有力食尾糊。
至於兩場泥地路程均為1650米，今季兩匹同程頭馬「威旺財」及「好腳頭」都係抽三檔或以內起步，五場「喜利高」及六場「康樂神駒」等擅跑泥地之內檔馬值得優先留意。