社運界近年出咗唔少女神，例如曾任學聯秘書長嘅周澄，就曾經因為2010年參與五區公投紅極一時。周澄歷年有唔少緋聞，先後同任亮憲同吳文遠等拍過拖，但呢位社運界緋聞女王終於被私有化嘞。30歲嘅周澄噚日喺facebook公佈婚訊，仲po埋婚姻登記官證明書，即係話會喺3個月內結婚。
到底邊位男士咁幸運，獲得周澄芳心？幸運兒就係現年31歲嘅關學津，佢係《端傳媒》攝影記者，上年8月到曼谷採訪四面佛爆炸案，出境時因為行李內有喺當地視作武器嘅防彈背心同頭盔而被拘控、一度禁止離境。
周澄𠵱家亦喺《端》做記者，唔知係咪因工作由相識到相戀？八方祝佢哋幸福快樂。