【電視風雲】
【本報訊】半年前今天，亞視剛熄機，代之而起的ViuTV挾着廣大電視迷期望，登上免費電視大舞台，力撼一直獨大的無綫。半年下來，ViuTV如曇花一現，收視回落，據說開台頭3個月已蝕了6,800萬元。那邊廂，老大哥無綫也毫無起色，幾年來收視持續下跌。資深電視人說，新媒體不斷湧現，家家飯桌前電視撈飯的日子，恐已一去不返。
記者：戴彩煥
據無綫年報及收視報告表資料，翡翠台過去4年黃金時段平均收視持續下跌，2012年平均收視25點，2013年跌至23點，2014及2015年跌至22點，今年以ViuTV 4月開台至10月2日計算，無綫黃金時段平均收視只有20.78。
無綫前總經理陳志雲認為，無綫持續不振是本地電視市場沒有一個有效競爭所致，他說：「因為冇刺激，少咗話題，連去睇嘅意欲都冇。其二係科技發達同新媒體湧現，𠵱家觀眾選擇多咗好多，你就未必會將時間擺番去你原本睇開嘅免費電視。」
鄧特希：Viu收視同J2差唔多
曾於無綫擔任監製的鄧特希亦指，現時太多影視平台讓觀眾欣賞及習慣改變，「如果TVB唔改變一吓節目嘅編排策略、帶畀觀眾多啲新鮮感，包括類型方面，要觀眾好似以前咁晚晚坐定喺電視機前邊，呢個日子應該好難再返嚟。」
至於開台半年的ViuTV，今年4月開台之初，收視和聲勢不俗，尤其實況旅遊節目《跟住矛盾去旅行》和劇集《瑪嘉烈與大衛系列—綠豆》均叫好叫座。惟據業內人士透露，開台半年的ViuTV收視回落。
陳志雲認為，ViuTV暫未對電視行業造成太大衝擊，他說： 「對免費電視地面廣播嚟講，以往ATV已經困難，𠵱家打散咗咁多條頻道（指港台的模擬頻道和ViuTV使用的數碼頻道），要做到有效競爭係難」。陳認為，模擬頻道有一定作用，因未必人人都有數碼電視及所有地方都接收得到，所以ViuTV單以數碼頻道廣播，始終有一定難度。不過，陳認為ViuTV起碼讓觀眾有選擇，開台時亦曾帶給觀眾新鮮感，但新鮮感如何持續，是一大考驗。
鄧特希亦認為，ViuTV暫未能對電視行業造成衝擊，「暫時睇唔到數字上有個好明顯嘅衝擊，據我了解，ViuTV終端電視機收視同J2差唔多」。
藝人王喜則認為，ViuTV成立宗旨與大眾期望並非一致，因ViuTV想吸收對電視厭倦的觀眾群，但大眾卻期待ViuTV開天闢地、破舊立新，變身「一拳超人」，所以至今大眾仍未能看到他們渴望畫面。但王喜說：「打牌起碼打夠8圈先可以定輸贏，ViuTV開台得6個月，點可以咁快論成敗呢，始終ViuTV負磅輕，冇乜負擔，輸得起，加上大眾貪新厭舊本性，對ViuTV係好有利嘅，只要有更厲害嘅鬼才加入，ViuTV一定可以實現佢哋開台宗旨。」
至於曾為ViuTV拍開台劇《瑪嘉烈與大衛系列—綠豆》的周家怡認為，ViuTV開台後成功吸引年輕觀眾收看，她說：「如果ViuTV可以投放多啲資源拍劇就更好，始終劇集都係觀眾期望想睇嘅嘢。」對於無綫近年收視持續下跌，她認為現時上網睇電視太方便，要觀眾坐定定在電視機前收看實在困難。