剛滿55歲嘅劉德華，最近就忙住宣傳佢同黃曉明嘅新戲《偷天特務》，但一向家庭心重嘅華仔，一有時間就會陪老婆朱麗倩同囡囡劉向蕙，前日有一個「927Andy」嘅IG放咗一張華仔一家三口嘅相，但張相就無樣，只係得一家三口嘅手手相。附圖仲有留言：「一家人外用餐！滿滿的幸福感！ 讓我想起你們！要幸福喔！」有好多內地嘅fans以為偶像上載新相，仲留言話特登翻牆睇新相，仲祝福華仔一家幸福快樂！
事後華仔經理人公司澄清，佢本人並沒有instagram及facebook account，華仔只有awc.com同華仔天地官方平台。而華仔經理人公司話其實張相真係華仔曾上載到其官方網，但就俾人偷咗嚟用，貼咗喺IG。