10.1煙花施放當晚，因維港風勢微弱，濃煙積聚半空，並湧到灣仔內街，銅鑼灣PM2.5細微懸粒子濃度急升逾兩倍，超出世衞標準，嚴重污染空氣。香港旅遊攝影師Raven當晚從港島東高處，縮時拍攝煙花時，成功捕捉污染物升上半空後，再向外擴散的完整過程，驟眼看有如「磨菇雲」爆發。他將片段放上facebook，hashtag為「$800萬視覺特效」，希望公眾反思，「呢啲畫面你一定唔會喺電視機見到，希望提供多一個角度，畀大眾諗吓，放煙花happy完，之後會係點。」
記者 李鈺廷
Raven接受《蘋果》查詢時指，他當晚登上寶馬山，原為客戶拍攝一系列富香港特色的縮時片段，但當煙花施放後，眼前的景象也令他吃驚，「其實如果你唔係上山睇，你未必會睇到啲煙原來可以咁勁，成半個港島cover晒咁滯」。事隔兩日，他上載片段到其facebook專頁，題為「如何在維港上空製作大型煙霧？其實唔難 #$800萬視覺特效」，21小時內吸引逾4萬人次觀看、逾600人轉載。
「香港煙花放得好核突，亦都放得好浪費」，同樣都是煙花，Raven認為外地較能善用資源，「悉尼同倫敦放煙花係世界盛事，花樣多多又新奇；日本煙火大會吸引大批遊客仆到去睇；近至隔離澳門每年都有煙花節，吸引世界各地好手參加，但香港煙花次次都係22至23分鐘係咁密集射射射爆完就散，層次感真係同其他地方差好遠……正因為一年只放2至3次，點解唔可以做好少少？……如果真係想搞好啲，不妨借鏡返自己1997年嗰時係點放。」
不過Raven強調，煙花始終不太環保，盡量不應放太多，寧缺勿濫反而更好，「唔睇開煙花嘅人，過咗頭十分鐘已經冇咩分別，反而縮短時間，專注特色仲好」。
facebook： https://goo.gl/FNbVHE
Instagram： https://goo.gl/TmFcMT