白鴿黨立法會超區票王鄺俊宇以超過49萬票一戰成名後，連台灣人都知道佢嘅威水史。幫過蘇打綠樂隊拍過唔少MV嘅台灣名導陳映之，最近就喺選舉後向鄺神送上寫有「創新紀錄，大展鵬程」嘅花籃，台北市最年輕議員何志偉亦送上寫有「來自台灣的祝福」花籃祝賀，加上其他台灣人送嘅花籃，搞到民主黨立法會議辦外嘅走廊被逼爆。
鄺神憶述同陳導演結緣，係因為之前寫咗個叫《在微時》嘅古仔，講述地產霸權同保育問題，曾經去過台灣同陳映之傾拍電影嘅可能，之後喺香港舉行小說講座，陳導演都有來港捧場。
至於何志偉議員，鄺神就話係上次訪台傾電影時有朋友介紹認識，仲送咗本佢喺台灣出版嘅小說畀何議員，形容台灣人都幾鍾意睇香港作家作品。