柯震東嘅31歲緋聞女友李毓芬，出道7年嚟，盛傳五官大執位，噚日台灣傳媒收到讀者爆料指李毓芬最近做咗微調整型手術，今次喺太陽穴打玻尿酸。
據講李毓芬天生太陽穴凹陷，打太陽穴唔只修飾臉形，喺相學上又稱太陽穴為夫妻宮，凹陷嘅話夫妻相處唔融洽。最近佢同柯震東復合3個幾月，為綁實男友，打玻尿酸填滿太陽穴。撰文：馮仁昭
