立法會議員游蕙禎噚日出席喺理工大學舉行嘅論壇時，對於年青人不斷被縮窄嘅生存空間，以及負擔唔起屋租，突然爆出一句「就算我哋o依家想去扑嘢（做愛），都搵唔到房去扑，呢個係好現實嘅問題」，引起網民激烈討論。
有網民留言力撐蕙禎bb，話佢一語道出問題所在，夠晒直接！但亦有人認為佢身為立法會議員，用「扑嘢」二字，實在太過低俗喇，影衰香港呀！而才子陶傑就話『扑嘢』呢個字眼，唔應該宣之於女性之口，因為蕙禎bb唔係做緊網台喎，而係中華人民共和國香港特別行政區立法會議員，所以講嘢唔可以咁粗鄙。見到一眾鍵盤戰士同「道德X」都咁大反應，動記者當然要落區親身聽吓大家嘅意見啦，估唔到有啲市民思想都幾前衛喎！
蔡小姐：「講得幾好，個個都有需要架嘛。」
何先生：「用字我覺得佢幾大膽，幾好。表達到好多人心聲！」
Felix：「新一代人有新一代人嘅風格，我覺得佢係比較直接咁講出自己嘅心底話，所以我覺得OK！」
張生：「字眼係唔恰當o架啦，『扑嘢』唔好聽。」
想聽更多更爆嘅意見，即刻去片啦！