5年時間真係話長唔長、話短唔短，話說當年今日，梁振英最後一次出席行會聚餐，佢同記者講，對於離開行會好傷感，同時表明會開始「換一條跑道走」，籌組競選班底工作進展順利，講到信心十足咁款噃。
梁特真係冇講大話，佢真係換咗條跑道走，但係係走數個走！當年今日嘅《蘋果》幫時任特首煲呔曾埋單，數吓佢有乜嘢走數，話說煲呔曾雖然履行承諾將特首納入《防賄條例》監管範圍，但實情針對離任特首獲取延後利益嘅問題未解決。
點都好，煲呔曾真係修過例，令特首受《防賄條例》部份條文監管。至於689呢，其實佢仲係候任特首時，應承跟進前終院首席法官李國能嘅修例建議，將條例第3、8條涵蓋埋特首，但到𠵱家都未見影，又一走數鐵證。