【本報訊】黃之鋒接受《蘋果》專訪，講述被禁錮在50平方呎囚室經歷。他憶述單人囚室是完全封閉，樓底與立法會普通會議室一樣高，約4米左右，只放了一張床和一張蓆，床旁邊因天花滴水放置一個水桶；囚室門禁森嚴，鐵門外有3道金屬橫鎖，出入亦需要拍電子門卡，實心鐵門只有一扇加了鐵絲網的不透明玻璃窗。
收押封閉式臭格
他進出囚室時，曾觀察周圍的羈留室，明顯防守鬆懈得多，被羈留人士集體囚禁，可睡在「碌架床」、談天、上網和用電話與外界溝通，「成個收押所10幾人惟獨我一個係封閉式臭格內，你喺入面唔知過咗幾個鐘、唔知經歷咗幾耐」。黃之鋒欲如廁就要敲門呼叫，但警衞不懂英文，泰國當局沒有安排繙譯，警衞只用泰文溝通。他臨上機遣返前一小時，則由空姐充當臨時繙譯。
囚禁近逾10至11小時，黃指最可怕的並非囚室環境惡劣，「我腦裏面有一絲念頭，會唔會係桂民海翻版呢？我理性上不斷同自己講唔會嘅，點都返到香港嘅」。他曾估計，最嚴重或被送到內地，其次可能是泰國政府以國家安全法起訴，拖一周才遣返他，「都唔係冇可能發生，今年一月先有維權人士被帶走，俾泰國政府送返去中國」。
黃之鋒與外界失去聯絡持續12小時，當下除了泰國當局和中方，無人知道其下落，「連停機坪條路都未行完（就被拘留），駁唔切Wifi（求救）」。他思緒翻騰，「我覺得好恐怖，我理性上覺得應該冇事，事實上嗰一刻，睇住我嘅保安，招呼我嘅前線警察、海關，抑或我自己、香港朋友、國際媒體，其實冇人知我下落會點」。
昨晚黃之鋒站在立法會大樓內，終於鬆一口氣，「有返到嚟就得啦」。
■記者潘柏林