我求大俠以為傑斯做史雲斯領隊只係時間嘅問題，點知呢支威爾斯球隊周一喺古杜連61歲生日炒咗佢，隨即宣佈由美國教頭巴特利頂上領軍。據稱，「天鵝」本來都屬意傑斯，但呢位前曼聯助教喺面試表現唔好，加埋經驗唔夠，所以就唔請佢。巴特利今年58歲，教過五年美國國家隊。另外，洛杉磯嘅美國廣播公司報呢單新聞嗰陣擺烏龍，誤報巴特利係頂干地教車路士。