電動方程式（Formula E）香港站下周日將會喺中環海濱嘅街頭賽道舉行，除咗有巴西傳奇車手畢奇個仔尼仙奴畢奇、「車壇博士」保魯斯個仔尼高拉斯保魯斯同埋前F1車手希菲特參賽，仲包括28歲中國車手馬青驊。馬青驊早就到咗香港，禮拜一仲去鬆一鬆，先坐船出海吹吓海風，然後再去搵好嘢食，嘆咗成隻燒鵝髀，仲將自己食燒鵝髀嘅相上載至微博。