體育仲裁法庭噚日宣佈，俄羅斯網球手舒拉寶娃由之前判罰停賽兩年減刑九個月至15個月，出年4月26號就復出。呢位五次大滿貫得主喺年初澳網被驗出服用禁藥「米曲蘖」，之後被罰停賽兩年，佢即刻向體育仲裁法庭上訴，聲稱自己感冒同心律不整，喺醫生處方下食咗隻藥10年，到年初被列為禁藥先中招。獲得減刑後，舒娃喺fb度話好開心四月就可以重返網球場。