游學修去年與蘇麗珊因合作電影《哪一天我們會飛》而發展成為戀人，可惜最近出現感情危機，蘇麗珊早前被發現和顧定軒在中環ifc開心約會，並大方承認跟游學修正處於冷靜期。游學修在公佈處於冷靜期後，昨日首度現身，和連詩雅及衛詩在銅鑼灣出席「保良局慈善跑」活動，不過成為焦點的他就處處迴避情變原因。
「唔想交代住」
游學修說：「我知大家想問乜，希望大家體諒明白，你哋知我性格，平時乜都講，今次唔希望影響到各樣嘢，希望大家體諒，唔想講太多。希望我好，佢好，大家好，點樣發展要睇落去，知道大家等咗好耐，唔想一走了之。」他亦避談復合的可能性，只謂：「畀啲空間我哋，唔想交代住，我個人有口直言。」
問到是否涉及第三者？游學修只答：「唔好意思。」但提到蘇麗珊和顧定軒早前被影到約會，他就急欲澄清：「唔好意思，講晒喇，費事出嚟又俾人（網民）話我博宣傳。」說罷，他再鞠躬說：「求吓大家高抬貴手。」再問到蘇麗珊是否他遇過最好的女性？他說：「乖啦乖啦。」
衛詩忙練跑
此外，衛詩表示最近開始練跑，每次跑半小時：「除咗想健康，都想減肥。」連詩雅和衛詩、衛蘭及曾若華組成4人女子組合Dear John，她謂想約成員一齊跑步：「仲想公司可以全部人搞一個camping，聯誼吓，增進吓感情。」
採訪：羅慧敏
攝影：陳俊強
