喺越南峴港舉行嘅亞洲沙灘運動會周一完美落幕，攞到四銀四銅嘅港隊噚日凱旋。有一面銀牌落袋嘅李嘉文，就覺得今屆首次舉辦嘅海岸划艇好刺激，不過就要付出代價：「四人艇賽事當日，我要喺兩個鐘頭內比賽四場，賽完之後都冇力行，好辛苦，第二日仲感冒到郁唔到㖭。」佢話可能大會都係第一次搞，編排得唔係咁好，希望下屆會好啲喎。