嚟緊嘅特首選舉到底有冇競爭，大家梗係好關心。時光倒流返去5年前今日，梁振英冇公開活動，只係將個人網誌刪走，剩番留言嗰欄，非常貫徹佢嘅性格，就係刪走舊記憶，咁所有嘢都唔存在。
當日有篇文章值得分享，作者話「有真正本地競爭的選舉，對中央政府也是利多於弊」，因為選舉就應該有選擇，否則難以打破港人覺得特首係中央欽點嘅思維，仲話「有全面競爭的選舉，能反過來有助凝聚港人之心」，又指參選人若有高民望，選委會總唔能夠以高票選其他人。以當時民調睇，相信係挺梁入閘喎！
呢位學者講嘅嘢，不無道理嘅，但八方更想知道5年後嘅今日佢會點睇？因為呢位學者就係運輸及房屋局局長張炳良，當時未入梁班子㗎。